ஜூலை20, திரைப்பட நடிகர் தண்டபாணி இன்று காலமானார். அவருக்கு வயது 61. திடீர் மாரடைப்பு ஏற்பட்டதால் சென்னை தனியார் மருத்துவமனையில் அனுமதிக்கப்பட்ட இவர் சிகிச்சை பலனின்றி இறந்ததாக தெரிவிக்கப்பட்டுள்ளது.
காதல் திரைப்படத்தின் மூலம் தமிழ் சினிமாவுக்கு அறிமுகமான தண்டபாணி தமிழ், தெலுங்கு உள்ளிட்ட 5 மொழிகளில் 50க்கும் மேற்பட்ட படங்களில் நடத்துள்ளார்.
தமிழில் காதல், சித்திரம் பேசுதடி, சண்டைக்கோழி, வருத்தப்படாத வாலிபர் சங்கம், உனக்கும் எனக்கும் உள்ளிட்ட படங்களில் வில்லன் மற்றும் குணசித்திர வேடங்களில் நடத்துள்ளார்.
இவரின் மறைவுக்கு திரைத்துறையினர் பலரும் ஆழ்ந்த இரங்கலுடன் அஞ்சலி செலுத்தி வருகின்றனர்.
