மார்ச் 15, தற்போது பெரிய நடிகர்களின் படத்துக்கு அவரவர் கதை எழுதுவது வழக்கமாகி விட்டது, கமலின் உத்தம வில்லன் போஸ்டர் சர்ச்சை ஒரு புறம் இருக்க படத்தின் கதையை அவரே வெளியிட்டுருகிறார்.
அதில் ‘உத்தமன்’ என்ற 8ம் நூற்றாண்டு கூத்துக் கலைஞன் கேரக்டரிலும், மனோரஞ்சன் என்ற 21-ம் நூற்றாண்டின் சினிமாவின் ஈடு இணையற்ற உச்ச நட்சத்திரமாகவும் மற்றொரு கேரக்டரில் நடிக்கிறார்.
மனோரஞ்சனைக் கண்டெடுத்து நட்சத்திர அந்தஸ்துக்கு உயர்த்திய குருவாக சினிமா இயக்குனராக கே. பாலசந்தர் நடிக்கிறார். மனோரஞ்சனின் மனைவியாக ஊர்வசியும், மனோரஞ்சனின் மாமனாராக இயக்குனர் கே.விஸ்வநாத்தும் நடிக்கிறார்கள்.
8ம் நூற்றாண்டில் நடக்கும் உத்தம வில்லனில் நடக்கும் கதையில் மனநோயால் பாதிக்கப்பட்ட இளவரசியாக பூஜா குமாரும், 21ம் நூற்றாண்டு மனோரஞ்சனின் ரகசியக் காதலியாக ஆண்ட்ரியாவும் நடிக்கின்றனர்.
முத்தரசன் என்ற 8ம் நூற்றாண்டுக் கொடுங்கோல் சர்வாதிகாரியின் பாத்திரத்தில் நாசர், ஜேகப் ஜக்காரியா என்ற பாத்திரத்தில் ஜெயராம், இவரின் வளர்ப்பு மகளாக முக்கிய கதாபாத்திரத்தில் பார்வதி மேனன் சொக்கு செட்டியார் என்ற கதாபாத்திரத்தில் எம்.எஸ்.பாஸ்கர் ஆகியோரும் நடிக்கிறார்கள்.
