விவேகம் படத்தின் ஷூட்டிங் செர்பியாவில் நடந்துவருகிறது. இதையடுத்து அஜீத், அங்கு தனது பிறந்த தினத்தைக் கொண்டாடுகிறார்.
சிறுத்தை சிவா இயக்கத்தில் அஜீத் நடிக்கும் படம், விவேகம். காஜல் அகர்வால், அக்ஷரா ஹாசன், இந்தி நடிகர் விவேக் ஓபராய் உட்பட பலர் நடிக்கின்றனர். இதில் தீவிரவாதிகளை வேட்டையாடும் இன்டர்போல் போலீஸ் அதிகாரியாக அஜீத் நடிக்கிறார். இதன் படப்பிடிப்பு வெளிநாடுகளில் நடந்து வருகிறது. இப்போது செர்பியாவில் நடந்து வருகிறது.
அஜீத்தும் விவேக் ஓபராயும் மோதும் கிளைமாக்ஸ் சண்டைக்காட்சிகள் இங்கு படமாகி வருவதாகக் கூறப்படுகிறது. கூடவே ஸ்பாட் எடிட்டிங்கும் நடந்து வருகிறது. இதற்காக எடிட்டர் ஆண்டனி எல்.ரூபனும் அங்கு சென்றிருக்கிறார். அங்கு படக்குழுவுடன் தனது பிறந்த தினத்தை நடிகர் அஜீத் இன்று கொண்டாடுகிறார் என கூறப்படுகிறது.
