இந்திய – நியூசிலாது அணிகளுக்கு இடையிலான முதலாவது டெஸ்ட்டின் இரண்டாம் நாள் ஆட்ட முடிவில் இந்திய அணி தனது முதல் இன்னிங்ஸிற்காக 130 ஓட்டங்களுக்கு 4 விக்கெட்டுக்களை இழந்திருக்கிறது.
முன்னதாக நியூசிலாந்து அணி தனது முதல் இன்னிங்ஸிற்காக 503 ஓட்டங்களை எடுத்திருந்தது. கேப்டன் மெக்குலம் 224 ஓட்டங்களையும், வில்லியம்ஸன் 113 ஓட்டங்களையும் எடுத்தனர்.
பந்துவீச்சில் இஷாந்த் ஷர்மா 6 விக்கெட்டுக்களை கைப்பற்றினார். பதிலுக்கு களமிறங்கிய இந்திய அணி ஆரம்ப வீரர்களை மிக வேகமாக இழந்தது. தவான் எந்தவித ஓட்டமும் எடுக்காத நிலையில் ஆட்டமிழந்தார். முரளி விஜய் 26 ஓட்டங்களுடனும், புஜாரா 1 ஓட்டத்துடனும், விராத் கோலி 4 ஓட்டங்களுடனும் ஆட்டமிழந்தனர்.
தற்போது களத்தில் ரோகித் ஷர்மா ஆட்டமிழக்காது 67 ஓட்டங்களுடனும், ராஹேன் 23 ஓட்டங்களுடனும் துடுப்பெடுத்தாடி வருகின்றனர். இப்போட்டியில் இந்திய அணி சார்பில் அஷ்வின் விளையாடவில்லை என்பது குறிப்பிடத்தக்கது. நாளை மூன்றாம் நாள் ஆட்டம் நடைபெறவுள்ளது.
